CEBU, Philippines — Linog nga 7.2 magnitude nga maoy hinungdan sa pagkahugno sa usa ka edipisyo nga nakamugna sa sunog ug aksidente sa trapiko nga miresulta usab sa pagkaangol sa daghang mga tawo ug napugos sa pagpanganak ang usa ka buntis nga babaye.
Kini ang eksena sa gitubag nga alarma sa mga sakop sa City Disaster Risk Reduction and Management Office (CDRRMO) sa gipahigayon nga disaster drill simulation sa Barangay Sta Rosa sa Isla sa Olango sa Dakbayan sa Lapu-Lapu.
Si Mayor Junard Ahong maoy nag-una sa pagtambong sa gipahigayon nga disaster drill simulation diha sa nahisgutang dapit sa Isla sa Olango nga maoy una usab sa Dakbayan sa Lapu-Lapu.
Ang CDRRMO nagpakita sa ilang ka abtik mo responde,” nagkanayon si Mayor Chan nga nahinabi sa mga tigbalita.
Si Nagiel Bañacia nga maoy pangulo sa CDRRMO miingon nga ilang gipahigayon sa Sta. Rosa gym nga maoy nagsilbi nga Incident Command Post (ICP) alang sa pagdumala sa Incident Management Team (IMT) nga maoy gigamit ang Incident Command System. MEL (BANATNEWS)