^

Banat Balita

PRO7: Pag drug cleared sa 11 ka barangay dakong kalamposan

Iris Hazel M. Mascardo - Banat

CEBU, Philippines — Giisip sa pangulo sa Police Regional Office (PRO) -7 nga dakong kadaogan sa kampanya batok sa ilegal nga drugas ang pagdeklara sa 14 ka mga barangay sa Central Visayas nga drug-free areas.

Si Police Brigadier General Ronnie Montejo, hepe sa PRO-7 namahayag niini human  gideklarar ang 11 ka mga barangay sa Lalawigan sa Cebu, usa gikan sa Lalawigan sa Bohol ug duha gikan sa Siyudad sa Sugbo nga drug free na.

Nagpasalamat si Montejo sa mga opisina ug ahensya nga mipaabot sa ilang suporta sa ilang kampanya kontra sa ilegal nga droga.

“Kung pwede lang, diha-diha mahimo (drug-cleared) na ang tanan, nindot na ang dagan sa atong kinabuhi…sa mga anak, di nata mabalaka og asa mupaingon. Di lang siguro anak kay ang uban ang anak maoy mobisita man sa ginikanan kay ang ginikanan ang madakpan o na rehab,” sigun ni Montejo.

Drug cleared

Niadtong adlaw nga Biyernes, duha ka mga barangay sa Dakbayan sa Sugbo nga mao ang Brgy. Sto. Niño ug Brgy. Sudlon 1 nadugang sa listahan sa drug cleared barangays sa rehiyon.

Sa Lalawigan sa Sugbo nadeklarar sab nga drug cleared barangays ang Barangay Basak ug Ginabucan sa Catmon; Barangay Canduling sa Ronda;Barangay Panugnawan sa Medellin;Barangay Hilantagaan sa Sta.Fe ug mga Barangay Budbud, Gunting, Hilasgasan, Sayaw, Kangdampas, Guiwanon sa Barili.

Sa Lalawigan sa Bohol mao ang Barangay Magsaysay sa Talibon. Ang tigpamaba sa Philippine Drug Enforcement Agency (PDEA) -7 nga si Leia Alcantara miingon nga gisubay, gisusi ug gipili sa Regional Oversight Committee sa Barangay Drug Clearing ang maong mga barangay una pa sila gideklarar nga drug cleared areas.

Unang higayon

Ang komitiba gilangkuban sa PDEA-7, PNP, Department of Health (DOH), City Office for Substance Abuse Prevention (COSAP), Department of Interior and Local Government (DILG) ug ang LGUs.

“Malipayon kaayo mi kay for the longest time ang atong drug affectation sa Cebu City hundred percent gyud na, then finally naa tay duha ka barangay na-deliberate nato,”sigun ni Alcantara.

Matud pa ni Alcantara, sa wala pa ang deliberation, daghang mga pagsusi ang gihimo sa mga dokumento sa mga drug personalities nga gi-monitor sa mga lugar nga nahisgutan.

Si Alcantara miingon nga nagpamatuod kini nga bisan sa mga highly-urbanized city, ang programa sa drug-clearing malampuson  kung magtinabangay tanan..

Ang drug-cleared barangay nangahulogan nga wala na’y mga aktibong drug-personalities sa ilang dapit. Apan wala kini nagpasabot nga wala nay anti-drug operations nga mahitabo sa dapit aron mapakgang dayon ang potensiyal nga drug pushers sa barangay.

Kaniadtong Marso 15, 2021, giingon ni Levi Ortiz, director sa PDEA-7, nga ang Syudad sa Sugbo 100 porsyento pa nga apektado sa iligal nga droga.

Si Police Captain Edgar Labe, hepe sa Waterfront Police Station diin nasakop ang Barangay Santo Nino miingon nga niining bulan sa Mayo duna silay usa ka anti-drug operation nga nahimo apan ang mga dinakpan dili residente sa maong barangay.

Sa Sudlon 1, si Police Major Cesar Accompanado sa Pardo Police Station nga ang kataposang operasyon batok sa ilegal nga drugas nga ilang gihimo sa maong barangay niadto pang miaging Septiyembre.

Nasuta sab nga sa 80 ka mga barangay sa siyudad dunay upat nga wala pa makapahigayon sa ilang drug clearing program.

Suma pa sa pangulo sa Cebu City Office for Substance Abuse (COSAP) nga si Jonah John Rodriguez kinsa usa sa miyembro sa Cebu City Anti-Drug Abuse Council (CADAC) hatagan nila og lugway ang maong mga barangay pag-comply sa progama.— Sanden J. Anadia/IBM (BANATNEWS)

CENTRAL VISAYAS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with