Daghang disgrasya sa karsada na-respondihan sa CT-TODA
CEBU, Philippines — Ubay-ubay nasab nga disgrasya sa dalan ang naalarmahan sa mga sakop sa City of Talisay-Traffic Operation Development Authority (CT-TODA) sa miaging semana.
Gawas sa pag alarma nga nakamugna og kahuot sa dagan sa trapiko nakuha sab ang disgrasya sa CCTV footage.
Ang mga sakop sa CT-TODA nga nagmonitor sa CCTV footage sa command center niingon nga ang kakumpyansa sa tawo nga nagmaneho maoy kasagaran nga hinungdan sa disgrasya.
Nahibaw-an nga ang kakusog sa pagpadagan mao ang kasagaran nila nga nakuha sa footage.
Niabot sa 10 kapin kun kulang ang disgrasya nga na-monitor sa maong buhatan ug nakuha sa CCTV footage.
Hinuon way nagrabehan sa mga disgrasya og nadala ra sa panagsabot sabot. —MEL (BANATNEWS)
- Latest