TCPS nigama og kaugalingong bikers nga magpatrolya
CEBU, Philippines — Nagkadaghan ang bikers nga mosuroy diha sa bukirang barangay sa Dakbayan sa Talisay.
Hinungdan nga ang kapolisan nihimo usab sa ilang kaugalingong bikers nga mosuroy diha sa lugar nga tapokanan sa mga mahiligon og bisekleta.
Usa sa ilang tumong mao nga maka-ehersisyo ang kapolisan ug makapatrolya ug makaresponde usab dayon kini kong ugaling adunay panghitabo.
Si Police Lieutenant Colonel Gerard Ace Pelare, hepe sa Talisay City Police Station nagkanayon nga ang bike patrol ug kinalit nga checkpoint nga ilang nahimo epektibo kini sa pagbugaw sa mga badlongon.
Matud ni Pelare nga ang mga biker gipahinumduman gihapon sa pagtuman sa health protocols pagilkay sa pagkatap sa virus.
Dugang ni Pelare nga doble ang resulta sa ilang pagpatrolya diin makapasingot sila samtang gihimo ang trabaho. BDB (BANATNEWS)
- Latest
