Positivity rate sa Cebu City nikubos og maayo
CEBU, Philippines — Ang Dakbayan sa Sugbu nakatala og kinagamayang bag-ong kaso sa Covid-19 sUd sa usa ka adlaw ug maoy kinaubsan nga positivity rate karong tuig 2021.
Ang Emergency Operations Center sa siyudad nakatala lang og 1.45% nga positivity rate o unom ra sa 413 nga gi-test ang nagpositibo sa Covid 19 kaniadtong Mayo 10.
Base sa talaan sa EOC, duha sa mga bag-ong kaso gikan sa Banilad ug usa gikan sa Apas, Carreta, Talamban ug Tisa. Pagkakaron, 51 ka mga barangay nalang ang adunay aktibo nga mga kaso sa siyudad.
Ang critical care utilization rate sa unang higayon karong tuiga, nahug ubos sa 20 % human ang 15 ka mga publiko ug pribadong mga tambalanan sa siyudad nakarehistro lamang og 19.9% 185 lang ang nag-okupar sa mga giandam Covid-19 beds.
Apan bisan tuod og nikubos tanang mga numero aduna gihapoy natalang unom nga nangamatay karong buwana maong gitambagan gihapon ang tanan nga ipadayon ang pag-obserbar sa mga minimum health protocols sa tanang oras.
Sa datus sa Department of Health-VII kaniadtong Mayo 10, ang Dakbayan sa Sugbo adunay pa sa 639 ka aktibong mga kaso human nga ang pipila nga mga naka recover gibikipira pa kauban saubang mga LGUs.
Ang Lapulapu adunay 408 aktibo nga kaso ug ang Mandaue adunay 293 samtang ang Lalawigan sa Cebu adunay 601 nga aktibo nga kaso pinauyon sa datos sa DOH-VII.
Ang Lalawigan sa Bohol adunay 1,143 ka aktibo nga kaso, Negros Oriental,557 ug Siqujor nga ningtaas sa 17 human adunay nadugang nga duha ka bag-ong kaso. —IBM (BANATNEWS)
- Latest
