_banat
^
Labella nabakunahan og Sinovac
Si Cebu City Mayor Edgardo Labella ug kapikas niini nga pareho niyang senior citizen nagpabakuna og Sinovac kagahapon ug giawhag niya ang mga senior citizens nga magpabakuna gyud.
Gikan sa Facebook ni Mayor Edgardo Labella

Labella nabakunahan og Sinovac

Decemay Padilla (Banat) - May 5, 2021 - 12:00am

Cebu, Philippines — Nakadawat na sa iyang unang dose sa coronavirus disease vaccine si Cebu City Mayor Edgardo Labella kagahapon, Mayo 4, 2021, adlaw’ng Martes.

Si Labella kinsa usa na ka senior citizen giubanan sa pipila ka mga opisyales sa Cebu City Hall nagpabakuna og Sinovac vaccine diha sa SM Seaside.

Nakigdungan kini sa ubang senior citizens kinsa naka-schedule nga bakunahan kagahapon. Ang kapikas sa kinabuhi sa mayor nakadawat sab og bakuna sa sanglit pareho sila nga senior citizens. Ang siyudad kasamtangan karong namakuna sa mga senior citizens nga sakop sa A2 priority ubos sa Philippine National Deployment Plan for COVID-19 vaccines.

Gawas kang Labella ang laing mga opisyales sab sa siyudad na ang nabakunahan lakip nila ni Vice Mayor Michael Rama ang mga konsehal nga sila si Lea Japson, Raul Alcoseba ug Joy Augustus Young nga pulos na sab mga senior citizens.

Ang Cebu City nibalik na sa pagpamakuna sa mga senior niadtong Lunes, Mayo 3 human makadawat og 9,000 doses sa Sinovac vaccines gikan sa Department of Health Central Visayas. Base sa datos sa Cebu City Health Department naa na sa kapin 5 mil ka mga senior citizens ang nabakunahan.

Sa record sa Office of the Senior Citizens Affairs(OSCA) moabot sa dul-an 90,000 ka mga senior citizens ang naa sa Cebu City ug matod pa niabot na sa 30,000 ang nagparehistro ug kapin 20,000 ang nisugot nga magpabakuna.  Subay niini, giawhag ni Labella ang mga senior citizens nga magpabakuna.

“Tanan natong buhaton dunay risgo pero ang risgo sa COVID mas delikado, so, hangyuon ko kamo mga senior katong dunay comorbidities nga pagpabakuna namo, pili lang mo ari ba mo sa luag ari sa SM Seaside City naa sila’y gi-provide nga sakyanan,” ni Labella pa.

Ang vaccination sites sa Cebu City naa sa Robinson’s Galleria, SM Seaside City Cebu ug University of Cebu Senior High School Building Banilad Campus kun diin kada site, 500 ka mga senior citizens ang tinguha mabakunahan. (BANAT NEWS)

SINOVAC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with