CEBU, Philippines — Usa sa gikampanya og maayo karon sa Cebu City Agriculture Department mao ang urban gardening.
Suma pa sa CAD nga gamit kaayo ang pagpananom sa mga tugkaran aron duna gyuy ma- andam nga pagkaon sa panimalay. Niadtong miaging adlaw, giduaw sa pangu sa CAD nga si Joey Baclayon ang Labangon Elementary School kun diin nahimutang ang usa sa mga nagmalampuson nga urban gardening.
Nakita usab sa tugkaran sa maong eskwelahan mao ang himsog nga mga utanon nga usa sa mga produkto sa gitudlo sa CAD nga teknikal nga aspeto sa pagpananom.
Ang pag-ingganyo sa katawhan nga mananom sa ilang mga tugkaran maoy usa sa mga tumong sa maong programa. Kini aron dunay kakuhaan og presko ingon man sustansyadong pagkaon ang katawhan. MEL (BANATNEWS)