^

Banat Balita

Retiradong opisyal sa CPA gipusil patay

Rowena D. Capistrano - Banat

CEBU, Philippines — Patay ang usa ka retiradong opisyal sa Cebu Ports Authority human kini gipusil patay samtang naglingkod sa terasa sa ilang balay diha sa Barangay Poblacion Lungsod sa Argao niadtong Domingo sa gabii.

Ang biktima mao si Claro Ramos Cagigas  Jr., 65, residente sa maong lugar kinsa kanhi Port Department Manager sa CPA kaniadto ug bag-ohay lang miretiro.

Samtang ang mamumuno wala kini mailhi.

Ang kapulisan sa Lungsod sa Argao, pinangulohan ni Police Major Jeremie Sheila Gurtiza wala pay matumbok kung kinsa ang mga mamumuno ug kun unsa ilang motibo.

Base sa inisyal nga imbestigasyon, naglingkod ug napahangin ang biktima sa terasa sa ilang balay sa dihang kini gipusil tumong sa ulo sa wala mailhing tawo.

Ang mamumuno dali ra usab nga nakasibat. Dali unta nga gidala sa tambalanan si Cagigas apan gideklarar kini nga dead on arrival pagabot didto.

Ang Cebu Port Authority sa ilang social media page nipadangat sa ilang pahasubo ngadto sa pamilya sa kamatayon si Cagigas.

Gihulagway kini sa mga nakaila kaniya nga buotan ug daghan kining nahatag nga kontribusyon sa ilang trabahoan. Giampo nila nga mahatagan og hustisya ang ilang kanhi opisyal.— IBM (BANATNEWS)

CPA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with