^
Brgy kapitan mireklamo bahin sa illegal nga STL sa ilang lugar
Atol sa maong tigom, gitambongan usab kini og representante sa kapolisan ug sa Philippine Charity Sweepstakes Office (PCSO).
STAR/File

Brgy kapitan mireklamo bahin sa illegal nga STL sa ilang lugar

Sanden J. Anadia (Banat) - April 7, 2021 - 12:00am

CEBU, Philippines — Nagpadala og suwat ngadto kang Mayor Edgardo Labella ang Kapitan sa Barangay Carreta sa Dakbayan sa Sugbo nga si Marciano Ando kun diin nahisgotan niini ang pagsulbong sa illegal nga Small Town Lottery (STL) outlets.

Nahisgotan ni Ando ang panagtigom niya sa ubang opisyales kun diin ilang panghinaot nga mahimoan kini og aksyon sa buhatan sa mayor.

Atol sa maong tigom, gitambongan usab kini og representante sa kapolisan ug sa Philippine Charity Sweepstakes Office (PCSO).

Sa dihang gipangayoan sa konseho sa Carreta og “written statement” ang PCSO, nasuta nga illegal ang tanang  STL outlets sa kilid-kilid sa  nagkadaiyang dapit sa Siyudad sa Sugbo.

Sa pakighinabi ni Ando sa Banat News, gitataw niini nga ang ubang STL outlets kay nakababag na usab sa sidewalks busa nakahatag kini og kahasol sa katawhan.

“Sa amo lang barangay, base sa evaluation, dunay 47 ka STL nga rampant kaayo maong nagpatabang mi sa mayor alang sa mahimong aksyon niini. Gusto usab namo wad-on ang mga pagduda nga giprotektaran sila sa barangay officials, ngil-ad kaayo paminawon nga kami na hinoun ang madudahan,” matud pa ni Ando.

Sa pagsulat niining balita, wala pa mohatag og statement ang mayor kalabot niini.

 Apan si Konsehal Phillip Zafra kinsa maoy chairman sa committee on peace and order sa konseho mihangop sa pagpakabana sa mga opisyales sa Carreta.

 “Nalipay gyud ko kay nakita gyud nato ang pagpakabana sa atong barangay officials. Sa akong bahin, nagpatabang nako sa kapolisan aron masusi pud ang maong concern alang sa mahimong sunod nga pagabuhaton niini. Magpaabot lang pud ko sa side sa buhatan sa atong mayor,” matud pa ni Zafra.

Nagkanayon si Zafra nga usa sa gihingosgan karon sa siyudad mao ang pagukod sa ilegal nga sugal. MEL (BANATNEWS)

PCSO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with