CEBU, Philippines — Walay nakitang problema si Mayor Edgar Labella Mayor Labella kalabot sa proposal sa Land Bank of the Philippines LBP nga andam magpa-loan sa siyudad og P5 billion ubos sa gamay nga interest.
Nagkanayon si Labella nga dako gyud kini og matabang sa siyudad ilabi na sa ubang bayranan niini.
Nasayran nga ginganlan kini og standby loan ug giingong 2% lang ang interest. Apan gitataw sa mayor nga iyang gitugyan sa konseho ang final nga desisyon kalabot sa maong tanyag sa Land Bank.
Matud pa niya nga nanginahanglan kini og seryosong pagtoon sa konseho
Una na nga gibutyag ni Cebu City Councilor Raymond Alvin Garcia kinsa chairman sa Committee on budget and finance nga ang LBP maoy nidoul sa siyudad.
Matud pa ni Garcia nga ilaha na nga giimbitar ang mga representante sa LBP aron moatubang o ipresenta ang ilang proposal ngadto sa mga sakop sa konseho sunod buwan.
Ang standby loan pinasikad sa Bayanihan 2 Act kun diin ang LBP motanyag og loan ngadto sa local government units sa ubos kaayo nga interest.
“I cannot say for sure nga ato gyud na siya’ng dawaton. But if you ask me personally, there is really no harm in availing of that loan. Why? Because that loan is a standby loan facility,” nagkanayon si Garcia.—MEL (BANATNEWS)