Indian national gibanhigan patay
CEBU, Philippines — Patay ang usa ka Indian national nga gipusil sa riding in tandem diha sa Sitio Upper Lamac, Barangay Lamac sa Lungsod sa Consolacion niadtong Huwebes sa udto.
Si Police Corporal Crecensio Saladaga sa Consolacion Police Station miila sa biktima nga mao si Piara Singh, nagpuyo sa Sitio Katugasan sa Barangay Casili sa maong lungsod.
Matud pa ni Saladaga nagsakay og motorsiklo ang biktima dihang gitaparan og laing motorsiklo nga giluwanan sa duha ka wala mailhing mga lalaki ug ang backrider ang mipusil sa biktima. Sa pagkakaron, wala pa matino kun unsa ang motibo sa mga mamumuno.— IBM (BANATNEWS)
- Latest