^

DOH: COVID-19 sa CV kontrolado pa

Rowena D. Capistrano (Banat) - January 16, 2021 - 12:00am

CEBU, Philippines — Kompiyansa ang Department of Health nga makontrolar ra ang pagsaka sa bag-ong kaso sa coronavirus disease sa Central Visayas.

Ang tigpamaba ug chief pathologist sa DOH-7, Dr. Mary Jean Loreche, nitug-an nga aduna silay tulo ka butang nga gikonsiderar sa pagsaka sa kaso sa Covid-19.

Kini mao ang critical care utilization, case fatality rate ug positivity rate.

Matud ni Loreche nga hangtud niadtong Enero 11, ang critical care utilization sa rehiyon anaa sa 14.5 porsyento lang.

Gipasabot ni Loreche nga adunay 896 ka Covid beds nga gilangkuban sa sa 794 ka regular ug 102 ka intensive care unit beds nga gigahin sa private hospitals sa rehiyon ug 130 lang ang naokupar.

Si Loreche niawhag sa katawhan nga padayon gihapon nga mosunod sa tanang health protocols ug minimum health standards aron malikayan ang sakit sa Covid-19.

Bag-ong kaso

Nakatala ang Dakbayan sa Sugbo og 33 ka bag-ong kaso sa Covid-19 base sa datos sa DOH-7 niadtong Huwebes.

Sa kinatibuk-ang 11,273 ka kaso, 492 niini ang active cases samtang 10,082 ang recoveries ug 699 ang namatay        human dunay usa nga nadugang.

Ang Dakbayan sa Mandaue adunay 95 ka active cases human nakatala og walo ka bag-ong kaso.

Sa kinatibuk-an, niabot na sa 2,785 ang tanang kaso sa Covid-19 sa dakbayan diin 2,518 ang recoveries ug 172 ang namatay.

Ang Dakbayan sa Lapu-Lapu adunay 83 ka active cases ug sa kinatibuk-an niabot na sa 2,720 ang tanang kaso sa dakbayan human nadugangan og tulo ka bag-ong kaso samtang 2,525 ang recoveries ug 112 ang namatay.

Ang Dakbayan sa Talisay nakatala sab og walo ka bag-ong kaso base sa talaan niadtong Enero 13.

Ang bag-ong nataptan mao ang tagduha sa Barangay Tabunok, Lagtang, Lawaan 1 ug tag usa sa Barangay San Roque ug Candulawan.

Aduna nay 1,077 ka kaso sa Covid-19 sa dakbayan diin 41 ang aktibo, 930 ang nakarekober samtang 103 ang namatay. —Decemay P. Padilla, Gabriel C. Bonjoc,  Le Phyllis F. Antojado/GMR (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with