^
CCPO: Kalihokan  sa Sinulog 2021 kinahanglang may pagtugot sa IATF
Gipahibalo ni Cebu City Director Police Col. Josefino Ligan nga basta walay pagtugot sa National Inter-Agency Task Force makonsiderar nga paglapas sa quarantine protocols ang tanang kulturahanong kalihokan sa Sinulog 2021.
STAR/FIle

CCPO: Kalihokan sa Sinulog 2021 kinahanglang may pagtugot sa IATF

Rowena Capistrano (Banat) - January 5, 2021 - 12:00am

CEBU, Philippines — Girekomendar sa kapulisan sa Dakbayan sa Sugbo nga kung mahimo iuktaba lang usa ang mga cultural activities sa kapistahan sa Senyor Sto. Niño nga sikat sa bansag nga Sinulog, tungod kay  pipila lang ka adlaw ang preparasyon sa maong kalihukan.

Si Cebu City Director Police Col. Josefino Ligan nga gikahinabi sa mga tigbalita miingon nga  basta walay pagtugot nga luwatan ang National Inter-Agency Task Force, aduna gayuy himoon nga imbestigasyon alang sa mga magpahigayon sa maong kalihukan.

Dugang pa ni Ligan, sa security group mas morekomendar sila nga kanselahon lang usa ang cultural presentation karon ug ipahigayon lang kini unya sa buwan sa Abril atol sa selebrasyon sa ika-500 nga sumad sa Kristiyanismo sa Pilipinas.

Matud pang Ligan, kung sa bulan kini sa Abril himuon duna pay taas-taas nga preparasyong mabuhat sukwahi kaayo kun kini buhaton karon ng bulana.

Gitug-an ni Ligan, magpadayon ang novena mass ug Hubo mass sa basilica pero ang mga kalihukang kultural nagkinahanglan og pagtugot gikan sa IATF.

Apan daw gipangandaman na kining daan ni Bise Mayor Michael Rama sa Sinulog Foundation Inc. pinaagi sa pagpresentar sa ilang plano sa Sinulog Festival ngadto sa Inter-Agency Task Force.

Suma pa sa bise mayor nga wala silay plano nga pahunongon  sa ilang mga kultural nga kalihokan ug apil sa preparasyon ang safety ug health protocols.

Ang Cebu City Tourism Commission (CCTC) officer nga si Atty. Joy Pesquera nitataw nga usa lang ka rekomendasyon ang giduso sa kapolisan ug paabuton pa niya ang final nga desisyon.

Una na nga gianunsyo sa SFI sa miaging adlaw ang pagpadayon sa Sinulog Ritual Showdown karong Enero 17 apan walay audience.

Ang pasundayag sa special guests ipaagi lang og virtual.

Nasayran nga 20 ka contingents ang nisalmot sa ritual showdown.

Limitado lang ang gidaghanon  sa dancers matag contingents ingon man usab ang ilang mga staff aron dili kini magdasok diha sa South Road Properties kun diin pagahimoon ang kalihokan. –Sanden J. Anadia/IBM (BANATNEWS)

SINULOG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with