Candle vendors sa Basilica nakadawat og pinaskohan

CEBU, Philippines — Nag-apod apod og mga gasa ang kaparian sa Basilica Minore del Santo Niño de Cebu ngadto sa candle vendors sa niaging adlaw. Nakig-alayon ang Basilica ngadto sa buhatan ni Raquel Arce, head sa Prevention, Restoration, Order, Beautification and Enhancement (PROBE) atol sa pagpatawag sa candle vendors.

Sila si Reverend Father Pacifico Nohara Jr., OSA, Reverend Father Ric Anthony Reyes, OSA, ug Alem Saga, BMSN safety officer ang niapod-apod sa mga gasa. Ang maong kalihokan gipahigayon kini diha sa Plaza Independencia diin ang 80 ka regular candle vendors nga nagpalibot diha sa Basilica ang gipanghatagan og gasa.

Atol sa distribution gipatuman ang health protocols.

Matud sa Basilica nga apektado usab kaayo ang panginabuhian sa mga candle vendor tungod sa pandemiya. —BDB (BANATNEWS)