CEBU, Philippines — Gitinguha sa kagamhanan sa Dakbayan sa Mandaue nga makahatag og paspas nga serbisyo sa panglawas ngadto sa mga molupyo sa siyudad.
Sa maong tinguha ang siyudad nipalit kini og dugang lima ka Mitsubishi L-300 diin gihimo kining Patient Transport Vehicles (PTVs).
Si Atty. John Eddu Ibañez, executive secretary ni Mayor Jonas Cortes nibutyag nga ang bag-ong
Ang mga sakyanan makatabang kini sa medical response o pagtubag sa mga emerhensiya ug dili na kaayo masobrahan sa paggamit ang mga ambulansiya.
"Kini man gud ang mga ambulansiya kinahanglan na sila nga i-maintain permi, so magtuyok-tuyok, mag-rotation ni sila. Dili ingon nga ang walo ang magdagan”, pasabot ni Ibañez.
Ang nahisgutang mga sakyanan anaa sa City Disaster Risk Reduction Management Office (CDRRMO).
Kini maoy gamiton sa mga molupyo sa siyudad lakip niini ang mga senior citizen nga magpa-checkup ngadto sa laing tambalanan.
Samtang kadtong mga asymptomatic sa COVID-19 nga pasyente nga pasakyon sa maong sakyanan adto kini dad-on sa isolation center nga giandam sa kagamhanan sa siyduad. –BDB (BANATNEWS)