^

Lockdown, fake news matud pang Garganera

Rowena Capistrano (Banat) - December 23, 2020 - 12:00am

Cebu, Philippines — Way mahitabong lockdown sa Cebu City sugod karong adlawa hangtud sa Pasko. Mao kini ang pagklaro ni Konsehal Joel Garganera, Deputy Chief Implementor sa Emergency Operation Center sa mga tabi-tabi nga nanggawas.

Si Garganera mitubag niini human kini gikuhaan og pamahayag may kalabutan sa hungihong nga adunay mahitabo nga lockdown sa Pasko.

Matud pa ni Garganera, usa kini ka fake news ug dili kini angayan hatagan og pagtagad.

Gipahugtan nila hinuon ang pagbantay sa mga manimbahay ilabi na ang pagdili sa mga menor de edad ubos sa 15 anyos ug mga senior citizens 65-anyos pataas diha sa mga simbahan. Hinuon, naobserbahan karon nga nga nimenus ang presenya sa mga minor de edad ug mga tigulang tungod kay aduna namay mga sakop sa kapulisan ug tanod nga mopugong kanila diha sa perimeter checkpoints padung sa simbahan.

Malaumon si Garganera nga nakasabot ra usab ang mga tawo sa katuyoan sa gobiyerno. Base sa data nga gipagawas sa Department of Health Central Visayas niadtong adlaw nga Lunes, naa nalang sa 98 ang active cases sa coronavirus sa siyudad.

Ang dakbayan adunay 10,752 total cases human nga nakatala og unom ka bag-ong kaso nianang adlawa.

Apan sa maong gidaghanon,  9,964 niini ang nangaayo na samtang napun-an og usa ang talaan sa mga nakalas ug nahimo na kini karong 690. Samtang ang Mandaue City dunay 25 ka active cases gikan sa 2,686 ang total cases  niini. Apan ang 2,490 ang recoveries human nadugangan og usa ug 171 ang namatay.

Samtang ang Lapu-Lapu City dunay 36 active cases sa COVID-19 sa 2,646 niini ka mga kaso, apan nangaayo na ang 2,499 nga nadugangan og usa samtang 111 ang nakalas.

Sa Talisay City, usa ka 12 ka adlaw palang nga masuso sa Cansojong ang nataptan sa maong sakit human kini gi-swab test gikan sa pagkahimugso niini isip kabahin sa protocols sa mga tambalanan.

Ang masuso maoy ikapito nga pabiling aktibong kaso sa maong dakbayan gikan sa 1,021 total cases niini, apan 914 ang nakarekober samtang 100 na ang nangamatay. Sa 22 ka barangay sa Talisay, 15 ang Covid-free niini.

Ang Central Visayas dunay 24,682 total cases sa COVID-19 diin 579 ang active cases; 22,683 ang recoveries ug 1,420 ang deaths.— Decemay P. Padilla, Gabriel Bonjoc ( BANAT NEWS)

FAKE NEWS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with