CEBU, Philippines — Ang temporaryong pagbalhin sa Santo Niño vendors iuswag kini tungod kay dili pa andam ang lugar nga ilang balhinan diha duol sa Compania Maritima.
Ang temporaryong pagbalhin sa Santo Niño vendors posibleng mahitabo sa dili pa ang Pista Senior.
Nasayran nga kagahapon unta ang gikatakdang pagbalhin sa mga vendor sa temporaryo nila nga pwesto.
Sa maong kalamboan makapadayon gihapon og pamaligya ang vendors diha sa palibot sa Basilica apan limitado lang ang oras aron dili maghuot ang mga manimbahay sa Misa de Gallo.
Ang hepe sa Cebu City Prevention Restoration Order Beautification and Enhancement (PROBE) Raquel Arce nagkanayon nga padayon nga makapaninda ang Santo Niño vendors panahon sa pasko gikan sa alas 7:00 sa buntag hangtud sa alas 5:00 sa hapon.
Ang mga vendor gilangkuban sa manindahay og buwak, kandila, pagkaon, pasalubong items ug uban pa.
Giklaro ni Arce nga kadto lang vendors nga nagpalibot sa Santo Niño ang makapwesto diha sa kilid sa Compania Maritima.
Ang maong sestema maoy nasabutan atol sa tigom sa kagamhanan sa Siyudad sa Sugbo ug sa kapolisan.