Bantayan Island Airport gi-inagurahan kagahapon
CEBU, Philippines — Gihangop sa mga taga isla sa Bantayan ang dili momenus 90 ka mga partisipante sa Sante Fe Madridejos Bantayan (SMB) Escapade kagahapong adlawa nga gitambongan ni Presidential Spokesperson Harry Roque.
Si Roque nisakay sa usa sa upat ka maiden flights sa eroplano gikan sa Mactan Cebu International Airport padulong sa Bantayan Island Airport uban sa uban pang bisita sama sa Miss Universe Philippine candidate ug Bb. Pilipinas Universe Gazini Ganados.
Gitataw hinoon ni Atty. Steve Dicdican ang general manager sa Mactan Cebu International Airport Authority (MCIAA) nga dili pa hinoon to “inaugural flights”.
"Dili pa na sya inaugural flight, it was really to promote travel in the new tourism normal. Ang inauguration ani will come in the later date when ma- completed totally ang construction works” matod ni Dicdican.
Wala pay petsa kon kanus-a mag sugod ang commerical flights padulong sa Bantayan Island Airport.
Si Roque kuyog ni Office of the Presidential Assistant for the Visayas (OPAV) Michael Dino ug DOT-7 nga gisugat usab ni Cebu Governor Gwendolyn Garcia uban sa mga Mayor sa tulo ka lungsod sa isla.
Suma pa ni Roque nga daghan na ang nagutman tungod sa pandemya ug ang pagbalik sa tourismo usa sa makatabang nga mahatagan og panginabuhian ang mga tawo. “Hindi dapat maging hadlang ang covid-19 sa sektor nga turismo” matod ni Roque.
Samtang moabot usab sa P25.5 million nga financial assistance ang gihatag sa Probinsya sa Sugbo ngadto sa lungsod sa Santa Fe, Madridejos ug Bantayan diin si Garcia maoy personal nga nitunol niini ngadto sa mga Mayor sa maong mga lungsod. Ang Madridejso ug Santa Fe parehong nakadawat og tag P7.5 million samtang ang Bantayan P10.5 milyones. (BANAT NEWS)
- Latest
