Di mahimo kining “Yolo” panahon sa pandemiya
CEBU, Philippines — Sa wala pa ang pandemiya kumon kaayo ang panultihon sa mga tawo ilabi na sa millenials ang “YOLO” o “You Only Live Once” busa ang uban kanila motodo gyud og suroy ingon man usab ang paglingaw-lingaw kauban ang ilang mga barkada.
Apan ang Contact Tracing Cluster Head sa Emergency Operation Center nga si Charoma Jessica Amatos nipadayag nga dili pa maayo kini nga taras karong panahona tungod kay naa pa ang Covid-19.
"We have to be patient. Socializing will still be there after the virus. Stop the “You only live once” (YOLO) mentality, and start thinking that you live everyday but you only die once,” mensahe pa ni Amatus nga namantala sa social media post sa EOC.
Sa walay importanteng gibuhat, kun mogawas man gani karong panahona, ang pagpamalit ra gyud og essential goods ang nag-unang rason. Dugang pa niya nga kanunay gyud nga motuman sa health protocols.
“Going outside the house is the general inviolable rule. Fetching essential goods is the only exception. Always remember to follow health protocols -- consistently and correctly," niya pa.
Una na nga nipadayag si Mayor Edgar Labella nga bisan ubos sa modified general community quarantine (MGCQ) ang siyudad, dili gihapon angayan mokompiyansa.
Gani nagpadayon gihapon ang operasyon sa Oplan Bulabog kun diin nitabang kini sa pagmonitor sa mga establisamento kun nituman ba kini sa minimum health protocols . —IBM (BANAT NEWS)
- Latest
