CEBU, Philippines — Suportado ni kanhi Cebu Governor Lito Osmeña ang lakang sa Probinsya sa Sugbo pag tukod og Cebu Provincial Government Center didto sa lungsod sa Balamban.
"To transfer the seat of the provincial government to the west, will not only help decongest Cebu city, but also enable the development of brand new modern cities where the water is" matod ni Osmeña.
Si Gov. Gwen Garcia nagplano pagtukod sa Government Center sa Probinsya sa Sugbo aron aduna kini "own identity" ug aron usab makapalambo pa sa mga lungsod sa lalawigan.
Ang Kapitolyo nitarget og P550 million alang sa land acquisition ug pagtukod mismo sa pasilidad.
Si Osmeña dihang siya pa ang gobernador sa Probinsya sa Sugbo unang nagplano pag balhin sa provincial seat didto sa lungsod nga sakop sa Probinsya sa Sugbo.
Gipili sa Kapitolyo nga adto itukod ang government center sa Balamban sanglit mao kini ang sentro nga lungsod sa mga local government units sa probinsya gikan sa habagatan ngadto sa amihanang bahin sa lalawigan. (BANAT NEWS)