CEBU, Philippines — Makig dialogue si Mayor Edgardo Labella kang House Speaker Lord Allan Velasco aron tukion ug diskutihon ang mga plano alang sa North District sa Cebu City human kini nabakante tungod sa pagtaliwan ni Kongresista Raul Del Mar.
Dako ang kalipay sa mayor, nga ang house speaker maoy nahimong caretaker sa north district kay nagkahulogan kini nga ang distrito mahatagan ug priyoridad sa mga balaudnon.
Matud pa ni Labella, usa ka welcome development ang pagkatudlo ni Velasco isip caretaker sa north district kay usa kini wise man, level headed leader ug legal luminary.
Nagkanayon si Labella nga makigtagbo siya kang Velasco alang sa mga plano niini.
Kun mahinumduman si Velasco ang gitudlo nga caretaker sa north district human giisip usab kini nga suod sa kabanay sa namatay nga si Del Mar.
Gipadayag sa mga taga North District sa Siyudad sa Sugbo ang dako nilang kasubo sa kamatayon sa kongresista gumikan kay daku kini ug natabang sa mga kabus nga konstituente ug sa mga proyekto nga nahimo usab niini. —MEL (BANATNEWS)