^

Automated ticketing sa CSBT mapatuman na

Le Phyllis F. Antojado (Banat) - November 5, 2020 - 12:00am

CEBU, Philippines — Gikatakda nga automated na ang pamaagi sa pag sulod ug sakay sa mga pasahero ngadto sa Cebu South Bus Terminal (CSBT)

Kini human nag pinirmahanay na si Cebu Governor Gwendolyn Garcia ug ang Topline Hi-Tech Synergy Corporation alang sa pagpatuman sa centralized ticketing system sa CSBT.

Ubos sa kontrata, ang Topline maoy mo desinyo, motukod, supply sa central ticketing area nga adunay electronic ticket devices sulod sa CSBT. Ang maong kompaniya usab maoy mo-operate niini ug mo-maintain sulod sa napulo ka tuig.

“And then we will have the ticket validation terminals at the boarding bays, an electronic public information system, and supply reloadable store valued cards that can be used as bus tickets and they will develop and introduce an e-mobile- wall application capable of generation QR tickets or to purchase QR tickets through the electronic ticket issuance device” matod ni Garcia.

Pinaagi sa bag-ong sistema, adunay mga reloadable cards nga gitawag og “Suroy Suroy cards” nga P100 pagpalit apan ang P30 niini maoy deposit ug ang P70 maoy “usable load” nga kon mahurot, mopaload ra og balik sa mga authorized loadable station.

Matod ni Garcia, ubos gihapon sa maong kontrata,  sa ika-duhang tuig nga operasyon sa Topline magsugod nga maghatag sila sa  kapitolyo og dos porsyento gikan sa kinatibuk-ang kita sa koleksyon gikan sa public land transport sa pag gamit sa CSBT.

Mohatag usab og P100, 000 nga non-refundable success fee ngadto sa Kapitolyo.

“Walay gasto ang Province, nya mokita pa ta” matod ni Garcia.

Human sa maong pirmahanay, ang Topline hatagan og upat ka bulan aron makaandam ug maka install sa tanang devices niini ngadto sa South Bus Terminal aron sunod tuig, mamahimo na magamit ang maong card nga magsilbing bus tickets sa CSBT./MEL (BANATNEWS)

CSBT
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with