CEBU, Philippines — Niani karon og pagdayeg gikan sa Tuburan Police Station ang gibuhat sa usa ka 8- anyos nga batang lalaki nga mi-turnover sa kapulisan og salapi nga iyang napunitan sa dalan sa ilang barangay niadtong Miyerkules sa gabii.
Sa usa ka post sa Facebook Page sa Tuburan Police Station nga nakakuha sa atensyon sa publiko. Nanawagan ang mga pulis sa mga tawong nawad-an og kwarta nga kuhaon kini diha sa ilang buhatan.
Ang bata nga matinud-anon mao si Marvin Langaylangay.
"Salamat aning bataa sa imong ka matinud-anon, (you're) a good example to others," dugang sa post.
Sa pakighinabi sa mga tigbalita, si Patrolman Junevon Sagaysay miingon nga nakita sa bata ang kwarta duol sa basurahan nianang buntag ug pagkagabii nakakita nasab kini og laing kwarta," matud ni Sagaysay.
Wala hinuon gibutyag ni Sagaysay ang kantidad nga nakit-an samtang nagpaabot pa sila sa tag-iya nga moangkon niini.
Sumala pang Sagaysay talagsa ra karon makasugat og sama kamatinud-anon nga bata. Si Sagaysay miingon nga kung wala gihapoy mo-claim sa kwarta suds a usa ka semana nagsabot silang mga pulis nga ihatag nila ang kwarta sa bata. /IBM (BANATNEWS)