163 ka sakyanan gi-clamp sa CCTO
CEBU, Philippines — Dili mominos sa 163 ka mga sakyanan ang na clamp sa mga tinugyanan sa Cebu City Transportation Office human kini nakalapas sa night illegal parking.
Kini ang gitug-an ni John Paul Amores, public information officer sa communications and electronics sa CCTO.
Matud pa ni Amores, tungod sa yangongo sa pipila ka mga barangay may kalabutan aning hagip-ot nga dalan nga parkingan matag gabii, hinungdan nipahigayon sila ug operation.
Ang maong mga sakyanan nga nagpataka og parking makasagabal sa mga operation kung adunay mga emerhensya.
Gitug-an ni Amores, moabot ngadto sa 163 ka mga sakyanan ang na clamp diin ang uban niini balik-balik na nga gi-clamp sa ilang buhatan.
Ang mga lugar diin gipahigayonan ug operasyon sa CCTO nag langkob sa Tipolo Village/ Opra, Paseo Arcenas/Banawa, Atillo Compound Punta, Inayawan, St. Jude Bulacao, Mambaling, Tinago, F. Villa Street ug uban pa.
Giawhag sa CCTO ang mga nanag-iya ug sakyanan nga dili magpataka ug parking aron dili sila makamulta ug mil kinyentos pesos wala pay labot ang ilang mga kanhi bayronon kung aduna silay lain nga mga violations. /MEL (BANATNEWS)
- Latest
