^

Drug suspect ang usa sa upat nga nakuykoyan

Rowena Capistrano (Banat) - October 8, 2020 - 12:00am

CEBU, Philippines — Usa sa mga naugkat nga patay’ng lawas nga nagsugod na og kadugta nga gilubong sa mabaw nga lubnganan sa bakanteng luna sa Sitio Bago, Barangay Cogon, Compostela giila sa iyang pamilya kagahapon sa buntag.

Ang hepe sa Compostela Police Station Police Capt. Vincent Awit Zozobrado nga nahinabi sa Banat News mibutyag nga ang unang naugkat nga patay’ng lawas giila sa inahan, igsuon ug iyaan niini.

Ang maong patay’ng lawas mao si Elmer Enanoria, 20, taga Bulacao. Ang biktima giingong katapusang nakit-an niadtong Septiyembre 25, 2020 sa alas-6 sa gabii.

Si Enanoria nailhan pinaagi sa iyang tattoo ug sa tattoo sa iyang apelyido diha sa dughan.

Sumala pa ni Zozobrado, si Enanoria napriso kaniadtong May 7, 2019 tungod sa kalapsan sa Section11 sa RA 9165 ug nagtingkagol sa Naga City Jail apan nakagawas kini sa prisohan niadtong May 12, 2020.

Ang inahan niini matud pang Zozobrado miangkon nga bisan nakagawas na sa prisohan ang anak, padayon kini sa pagkalambigit sa illegal nga drugas. Gibutyag sab ni Zozobrado nga si Enanoria nakaangkon og 16 ka samad dinunggaban sa nagkadaiyang bahin sa kalawasan base kini sa autopsy nga gihimo sa kapolisan.

“Gipatay sya pinaagi sa dunggab. Ang ikaduha nga lawas nga nakit-an naay nakit-ang lima ka dunggab ug gigilitan sa liog. Ang cadaver number three, dunay siyam ka dinunggaban. Ang cadaver four, consistent na male siya na skull, pero walay fracture sa ulo,” dugang pa ni Zozobrado.

Dako ang pagtuo ni Zozobrado, nga gipatay sa laing lugar ang mga biktima ug didto lang gilubong sa maong lugar.

Gisusi pa nila ni Zozobrado kung usa ra ka grupo ba ang nipatay sa upat nga gituohang gihimo dili sa parehas nga mga adlaw ug gibuwag-buwag og lubong sa maong lugar, basi kini sa estado sa pagkadugta sa ilang mga lawas sa dihang naugkat.

Matud ni Zozobrado duna na silay person of interest nga buot nilang imbitahon sa ilang himoon nga imbestigasyon.

Sa pagkakaron, padayon pa ang kapolisan sa imbestigasyon sa maong mga kaso ug nanawagan sa uban pang mga pamilya nga nawad-an og kabanay sa pagsusi diha sa ilang buhatan.

Si  Police Colonel Aladdin Collado, director sa Cebu Police Provincial Office (CPPO) mitbutyag nga human sa autopsy ilubong dayon ang upat subay sa protocol.

Gipahibalo na sab ang mga silingang mga lugar kung duna bay na-missing nga mga tawo sa ilang dapit sugod niadtong miaging buwan. The Freeman/IBM (BANATNEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with