Mga establisamento istriktong nipatuman sa health protocols
CEBU, Philippines — Ang mga kan-anan ug ubang establisamento sa Dakbayan sa Sugbo ang nihatag og kooperasyon sa istriktong pagpatuman sa health protocols.
Kini ang gibutyag ni Konsehal Joel Garganera, deputy chief implementer sa Emergency Operations Center (EOC). Si Garganera nagkanayon nga ang ilang buhatan nagpahigayon og monitoring diin gihangop niya ang maong kalamboan.
Ang mga establisamento kinahang istrikto kining mopatuman sa social distancing ug ipaubos gyud sa temperature check ang mga mosulod sa ilang tindahang ug mopahigayon usab sila og regular nga disinfection.
Matud ni Garganera nga ang kooperasyon sa mga negosyante dako kini og tabang aron malikayan ang COVID-19.
Ang maong lakang alang kini sa kaayohan sa mga customer ug mga trabahante sa establisamento.
Si Garganera nagkanayon nga nabantayan nila nga ang mga negosyante boluntaryo kining mopasira sulod sa pipila ka adlaw sa ilang establisamento dili na maghuwat pa nga mandoan sa opisyales sa siyudad kong adunay trabahante nila nga nagpositibo sa COVID-19.
Dugang ni Garganera nga ang maong kalamboan usa sa mga hinungdan sa pagkunhod sa kaso sa COVID-19 sa siyudad. /BDB (BANATNEWS)
- Latest
