CEBU, Philippines — Gipaabot nga sa dili madugay mapatuman na ang electronic ticketing system o mamahimo na nga automated ang pagpalit og ticket sa Cebu South Bus Terminal. Kini human ang hunta probinsyal nihatag og pagtugot kang Cebu Governor Gwendolyn Garcia nga mopirma og kasabutuan uban ang Topline Hi-Tech and Synergy Corporation alang sa pag desinyo, supply, install, operate ug maintenance sa centralized automated system sa Cebu South Bus Terminal (CSBT).
Nakita sa provincial board ang panginahanglan nga hapsay ug “effecient” ang paghatag o paglukat og mga ticket sa mga bus sa CSBT.
“With the continued strict implementation of the health and safety protocols in the Province of Cebu, there is a need to modernize ticket purchase, passenger handling and management procedures through user-friendly technology that would help the bus terminal especially during peak hours when congestions are observed” sumala sa resolution ni bokal Glenn Anthony Soco.
Ang Topline Hi-tech nisubmit kini sa ilang unsolicited proposal alang sa swiss challenge, apan walay laing entity ang nihagit sa maong proposal hinungdan nga girekomendar sa Economic Enterprise Council pinaagi sa Resolution No. 2020-02, pag deklarar sa Topline Hi-tech and Synergy Corporation isip winning proponent nga mohimo sa maong proyekto. /MEL (BANATNEWS)