Cebu City magtukod og human milk bank
Si Konsehal Alvin Dizon maoy nangamahan sa ordinansahon nga giulohan og "Cebu City Human Milk Bank Ordinance".
STAR/File
Cebu City magtukod og human milk bank
Mary Ruth R. Malinao (Banat) - September 21, 2020 - 12:00am

CEBU, Philippines — Ang Cebu City Health Department (CHD) ug Cebu City Medical Center (CCMC) niuyon sa ordinansahon alang sa pagtukod og human milk bank (HMB) isip suporta sa mga babaye ug kabataan nga nanginahanglan og breast milk.

Si Konsehal Alvin Dizon maoy nangamahan sa ordinansahon nga giulohan og "Cebu City Human Milk Bank Ordinance".

"The COVID-19 pandemic has severely impacted vulnerable groups specifically children, pregnant and lactating mothers, thus their health and nutrition should be prioritized by the Cebu City government through the enactment of this measure”, matud ni Dizon.

Ang Section 3 sa maong ordinansahon nagkanayon nga kinahanglang adunay itukod nga HMB diha sa CCMC ug CHD diin sila usab ang gitahasan nga mangolekta, mag-screen, magproseso, maghipos ug mohatag sa mga nadawat nga donasyon gikan sa mga inahan nga nagpasuso.

Ang pagtukod sa HMB higpit nga giyahan sa Department of Health (DOH) subay sa "Philippine Human Milk Banking Manual of Operations".

Si Dr. Beth Buenaventura, representante sa CHD atol sa public hearing sa city council nagkanayon nga ang World Health Organization (WHO) nitumbok nga ang breastfeeding maoy labing epektibo nga paagi aron masiguro ang kahimsog sa bata.

Si Buenaventura nihangop sa maong lakang ug matud niya nga dako kini og tabang alang sa husto nga development sa mga bata ug nahaom usab kini karon nga panahon sa pandemiya diin nikunhod ang supply sa gatas.

Gisugyot ni Buenaventura nga ang siyudad kinahanglang adunay lactation specialist aron usab matabangan ang mga inahan sa pag-lactate aron dili sila magsalig sa supply sa HMB.

Ang CCMC nipadayag usab sa ilang suporta ug matud niini nga makatabang ang maong lakang ngadto sa mga masuso kinsa ang inahan adunay sakit ug dili makapasuso.  /BDB (BANATNEWS)

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with