Cuenco mohural isip hulip sa iyang amahan sa konseho sa Cebu City
Decemay P. Padilla (Banat) - September 15, 2020 - 12:00am

CEBU, Philippines — Si kanhi Cebu City Councilor James Anthony Cuenco gikatakdang molingkod sa konseho sa siyudad isip hulip sa iyang amahan nga si kanhi Konsehal Antonio Cuenco kinsa nitaliwan na ngadto sa laing kalibutan niadtong buwan sa Hunyo niining tuiga tungod sa COVID-19.

Matud ni Cuenco nga kon maabot na ang mga gikinahanglang dokumento karong adlawa posibleng mohural na siya isip hulip sa iyang amahan diha sa konseho sa siyudad.

Apan nagpaabot pa sila sa dokumento nga ipadala sa Malacañang diha sa record office.

Gibutyag ni Cuenco nga nakadawat siya og impormasyon nga napirmahan na ni Presidente Rodrigo Duterte ang nahisgutang mga dokumento.

“I will take my oath physically but only diri lang sa balay without any audience but its Vice Mayor Michael Rama who will administer the oath, as a notary public not as Vice Mayor kay ang Vice Mayor dili man ka administer og oath”, butyag ni Cuenco.

Si Cuenco nagkanayon nga aduna na siya’y giandam usab nga mga programa diin una niini mao ang pagtubag sa concern sa COVID-19. 

Giingong ang mga kauban ni Cuenco sa Barug PDP-Laban nipasalig nga siya ang hatagan sa committee chairmanship sa transportation and communication.

Ug isip incoming chairman sa nahisgutang komitiba hatagan niya og pagtagad ang problema sa ka kuwang sa transportasyon sa siyudad.

Gibutyag usab ni Cuenco nga susihon niya ang posibilidad nga ma-reactivate ang biyahe sa mga Public Utility Jeepney o traditional PUJs.

“Yes the traditional PUJ because ang ako man gud while it allowed already in Metro Manila I find no reason nganong dili i-allow diri sa Cebu City, gipa-shorten naman gani ang physical distancing hinuon”, Dugang ni Cuenco. /BDB (BANATNEWS)

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with