25 kaso nadugang sa Cebu City
CEBU, Philippines — Dugang 63 na usab ang nadugang nga kaso sa coronavirus disease (covid-19) sa Central Visayas sumala pa sa gipagawas nga data sa Department of Health Central Visayas (DOH-7).
Gikan kini sa 2, 067 laboratory results nga nigawas nianang adlaw sa Septembre 12.
Ang 25 niini gikan sa Cebu City, tag-upat ang Mandaue, tulo sa Bohol, 26 sa Probinsya sa Sugbo ug usa sa Negros Oriental. Ang active cases sa Covid-19 sa Central Visayas anaa sa 1, 555.
Mas gamay ra hinoon ang natala nga recoveries niadtong adlawa ug niabot ra sa 26 hinungdan nga 16, 936 ang total recoveries na.
Ang mga nangaayo natala sa Lapu-Lapu City (16), Mandaue (5) ug lima usab sa Probinsya sa Sugbo.
Ang mga namatay anaa sa 1, 217 gikan sa 19, 708 nga cumulative case sa covid-19 lukop Central Visayas. /IBM (BANATNEWS)
- Latest