CEBU, Philippines — Nakadawat og bisekleta ang pinili nga mga frontliner sa Talisay District Hospital ug ang pipila ka sakop sa Aksyon Agad Team ni mayor Gerald Anthony “Samsam” Gullas Jr.
Si Gullas nipaabot sa iyang pasalamat ngadto sa Pilipinas in Action pinaagi ni Senador Pia Cayetano human nidonar og bisekleta sa Syudad.
Samtang gipanghatagan sab ni Architect Ariel Araw-Araw, pangu sa Office of the Building Official (OBO) ang AAT og longsleeve aron ilang magamit samtang sila nihimo sa ilang trabaho.
Si Gary Togonon, pangu sa AAT nipaabot sab sa iyang pasalamat ni Gullas ug Araw-Araw.
Siya nagkanayon nga mas madali ang ilang pagresponde unya sa bisan unsa man nga gikinahanglan sa Talisaynon.
Ang AAT naa kanunay sa pagsulbad sa bisan unsa nga angay nga trabahuon.
Samtang ang mga sakop sa City of Talisay-Traffic Operation Development Authority (CT-TODA) nakadawat sab sa ilang bag-o nga uniporme.
Ang CT-TODA maoy dunay dakong papel sa paghan-ay sa dagan sa trapiko sa dakbayan. /MEL (BANATNEWS)