CEBU, Philippines — Usa ka mananagat ang nilangoy sulod sa duha ka oras paingon sa baybayon human natikyaob ang gisakyan nilang motor banca uban sa laing tulo ka mananagat niadtong Domingo sa hapon.
Ang mga mananagat nga sila si Kim Estrera, 21; Yugen Estrera, 39 taga Dakbayan sa Mandaue; Roldan Alcantara, 29 taga Bulacao ug Alan Bensig, 49-anyos taga Cambat-an, San Francisco, Isla sa Camotes naluwas kini sa Search and Rescue Team sa Philippine Coast Guard.
Gikataho nga ang maong mga mananagat sakay sa motor banca nga nibiya diha sa Dakbayan sa Danao aron managat ug nakasugat kini og dagkong balod hinungdan nga natikyaob.
Sa report sa PCG nakadawat og taho nga si Bensig napalgan diha sa kabaybayonan sa Himensulan, San Francisco, Isla sa Camotes diin nagpakitabang kini.
Si Bensig nitug-an nga nilanat og duha ka oras ang iyang paglangoy aron sa pagpangayo og tabang. /BDB (BANATNEWS)