144 ka sundalo naka- recover sa COVID-19
CEBU, Philippines — Ang mga sundalo sa Central Command (CentCom) nga nataptan sa COVID-19 ang naka-recover na ug nakabalik na sa trabaho.
Si Lieutenant General Robert Ancan, CentCom commander nibutyag nga hingpit na nga naka-recover gikan sa COVID-19 ang 144 ka sundalo ug nakabalik na kini sa ilang trabaho.
Matud ni Ancan nga ang tanang nataptan sa virus gipaubos kini sa 21 ka adlaw nga isolation diin giobserbahan ang ilang panglawas.
“Sa tanan nga na-infected sa atong personnel halos tanan naka-recover na”, matud ni Ancan.
Gibutyag usab ni Ancan nga gawas sa mga sundalo 30 porsyento sa ilahang hospital personnel ang natapnan usab sa virus ug naka-recover na usab kini.
“Actually back to duty na tanan ang atong mga health worker diri sa CentCom kay mga fully recovered na sila tanan”, padayag ni Ancan. Si Ancan nagkanayon nga adunay laing tulo ka sundalo nga nagnegatibo na usab kini sa COVID-19 test ug gipaabot na lang ang ilang recovery period aron makabalik na usab sila sa ilang trabaho. /BDB (BANATNEWS)
- Latest