CEBU, Philippines — Ang mga kabataan nga beneficiaries sa Pantawid Pamilyang Pilipino Program (4Ps) sa Central Visayas ang nipakita sa ilang creativity ug artistry samtang ubos sa community quarantine.
Ubos sa “Likha ng Bata, Para sa Bata” nga adbokasiya ug gipasiugdahan sa Department of Social Welfare and Development (DSWD) ang maong mga bata nagpakita kini sa ilang creative expression ug adbokasiya sa seguridad ug kooperasyon sa matag usa alang sa pag-recover gikan sa COVID-19 pandemic.
Sila si Gian Christopher Sanchez sa Lungsod sa Daanbantayan; Justine Ronato sa Lungsod sa Alegria; March Karen Cabiso sa Lungsod sa Cordova; Love Gwyneth Talaboc sa Lungsod sa Lazi, Probinsiya sa Siquijor; Mel Hingpit, Kristel Joy Arambala ug Paula Nicole Jumuad sa Butuan ug Anteguera, Probinsiya sa Bohol ang nigagmit og vivid colors ug broad strokes sa paggama sa ilang masterpiece.
Si March Karen kinsa umaabot nga grade 7 nipasabot nga ang iyang artwork nga “Pananampalataya: Liwanag ng Pag-asa sa Gitna ng Pandemya” ang highlights niini mao ang imahen ni Senior Santo Niño, ang batang Hesus nga batobalani sa gugma sa Sugbo.
Samtang ang artwork ni Mel nagpakita kini og kahiusa ug kooperasyon sa katawhan ug nag-highlights sa primary contribution sa mga frontliner nga naglakip sa health workers, kapolisan, kasundalohan ug social workers.
Sila si Justine Lanzadares sa Talibon, Bohol; Mirasol Basallo sa Daanbantayan; Mariane Lontayao sa Siquijor, Siquijor ug Nicka Barioso sa Lazi, Sequijor ang ni-display sa ilang poem composition ug storytelling.
Subay niini, Si Andrei Rosell sa Daanbantayan nipresentar sa iyang gi-composed nga kanta nga mao ang “Kagaw sa Kalibutan” samtang ang magsuong Jaymark ug Jasmin Catubig sa Lungsod sa Samboan ang nikanta sa ilang mixed pop ug rap nga “COVID Song”
Siyam ka bata gikan sa lungsod sa Carmen, Probinsiya sa Bohol ang ni-composed usab og kanta nga mao ang “Pagbangon” diin naghimo sila niini og music video. The Freeman/BDB