CEBU, Philippines — Nikabat ngadto sa 29, 000 ka tinun-an sa Dakbayan sa Naga ang hatagan og health kits sa lokal nga kagamhanan sa maong siyudad.
Pagpangandam kini sa pagbalik sa eskwela sa mga estudyante subay sa schedule nga ikatakda sa Department of Education (DepEd).
Gidasig ang mga Nagahanon hilabina ang skilled workers nga motabang sa production sa mga face mask alang sa mga estudyante.
Subay kini sa “NagaBaskog-NagaBatokCOVID-19” nga kampaniya sa siyudad nga nagsentro sa basic health precautions.
Sa guideline sa mga buot moapil kinahanglan nga residente kini sa Naga ug mosumiter kini sa actual nga sample sa face mask ngadto sa buhatan sa mayor.
Kinahanglan nga panapton ang materiyales nga gamiton diin ang disenyo ug sukod sa face mask mohaom sa tinun-an sa kindergarten ug high school.
Ang local government unit mopili kini sa top 3 designs diin ang mga designer nga makonsiderar nga skilled worker mag-angay sa 29, 000 ka facemask production.
“Responsibilidad sa mga skilled worker ang mga gamit ug materiyales alang sa pagpanahi sa facemaks”, tipik sa guideline sa siyudad.
Ang mapilian nga designer ipaubos sa orientation alang sa maong proyekto. “Usa ka job order contract ang iisyu sa mga mapiliang tulo ka skilled worker ug kinahanglan kining malagdaan sa dili pa magsugod ang trabaho”, laing tipik sa guidelines.
Ug kong masulod sa standard bayaran kini sa siyudad og P25 matag face mask. g kinahanglang mahuman ang facemask production sa Agosto 5, 2020. /BDB (BANATNEWS)