CEBU, Philippines — Si Cebu Archbishop Jose Palma niawhag sa mga magtutuo nga Sugbuanon nga pabiling maghiusa taliwala sa krisis karon sa covid-19.
Sa pastoral letter nga gipagawas ni Palma nidasig kini sa mga magtutuo nga magpabiling lig-on sa ilang pagtuo ug padayong mangaliya alang sa Sugbo.
Samtang ang kalungsuran ug siyudad padayong nikombati niining nikuyanap nga sakit.
Taliwala sa mga panghitabo kinahanglan usab nga hingusgan ang paningkamot sama sa feeding programs ug financial assistance sa mga lugar nga labing naapektohan sa covid-19 uban sa pakig-alayon sa Cebu Caritas ug council of the laity ug ubang ahensiya nga nalambigit pagtabang sa apektadong katawhan. /BDB (BANATNEWS)