Voter’s registration gisibog sa Agosto 31
CEBU, Philippines — Gipahibawo sa Commission on Elections nga suspendido pa ang voter’s registration lukop nasud.
Base sa advisory, ang registration gilugwayan hangtud sa Agosto 31, 2020 gikan sa Hunyo 30, 2020.
Matud ni Provincial Election Supervisor Lionel Marco Castillano nga ilang gamiton ang duha ka buwan nga lugway aron sa pagpangandam sa ilang buhatan sa higayon nga mobalik sa operasyon ubos na sa new normal.
Si Castillano niingon nga gawas sa Dakbayan sa Sugbo nga ubos pa sa enhanced community quarantine, ang ilang buhatan nagbutang og skeletal workforce aron maandam ug malikayan ang transmisyon sa higayon nga magsugod na sila sa full operations.
Ang Comelec niawhag sa katawhan nga magpabilin lang sa ilang panimalay samtang wala silay transaction sa buhatan sa Comelec ubos niining panahon sa ECQ. /GMR (BANATNEWS)
- Latest
