24 nakarekober sa COVID-19 sa Consolacion

CEBU, Philippines — Gihangop sa kagamhanan sa Lungsod sa Consolacion ang 24 nila ka pasyente sa coronavirus disease 2019 nga hingpit na nga nakalingkawas sa maong balatian.

Sa post sa Facebook sa kagamhanan sa maong lungsod maoy nasayran nga ang gidaghanon nga nakarekober nga pasyente sa COVID-19 maoy labing daghan nga natala sa kagamhanan sa lungsod.

Kini naglakip sa 12 ka pasyente nga bag-ong nakarekober gikan sa Barangay Tayud, Danglag, Casili, Nangka.

Hinoon ang kagamhanan sa maong lungsod ang nakatala sab og usa bag-ong kaso sa COVID-19 nga gikan sa Barangay Nangka. /GMR (BANATNEWS)