Kini human sa gihimo ug kagawad sa Panalipan, Catmon pagbabag sa usa ka Overseas Filipino Worker nipauli sa ilaha bisan og nakakumpleto kini sa quarantine ug PCR test didto sa Manila ug gi-quarantine na sab og lima ka adlaw pag-abot sa Cebu.
AFP/Romeo Gacad
Barikada ipatangtang, human OFW gibabagan
Le Phyllis F. Antojado (Banat) - June 4, 2020 - 12:00am

CEBU, Philippines — Gimando ni Gobernador Gwendolyn Garcia ang pagpanangtang sa mga barikada sa mga entrada sa mga sitio sa nagkadaiyang barangay sa kalungsoran.

Kini human sa gihimo ug kagawad sa Panalipan, Catmon pagbabag sa usa ka Overseas Filipino Worker nipauli sa ilaha bisan og nakakumpleto kini sa quarantine ug PCR test didto sa Manila ug gi-quarantine na sab og lima ka adlaw pag-abot sa Cebu.

Sa iyang virtual presser niadtong Hunyo 2, 2020 si Garcia nagkanayon nga bitbit sa OFW ang certificate nga siya negatibo sa coronavirus disease base sa result sa iyang PCR test.

Apan dihang gikuha na niadtong Lunes sa ambulansya sa Catmon, gibabagan kini sa kapitan ug kagawad sa Sitio Ylaya sa Panalipan  tungod kay gusto nila nga dad-on pa kini sa isolation ug ikwarantina pagusab.

Nanawag kang Garcia ang OFW ug samtang giestorya sa gobernador ang kapitan, nadunggan niya nga gikasab-an na sa kagawad ang OFW.

Tungod niini nasuko si Garcia ug nimando nga tangtangon ang barikada sa mga sitio.

Si Garcia nagkanayon dako ang natabang ang mga OFWs sa nasod ug angay silang respetohon.

"Sukad karong gabhiuna, panangtanga na kanang inyong barikada-barikada diha. Nanobra na kanang inyong pagkapodiroso. Nakakupot lang og gamay nga gahum, mura namo’g masters of the universe," matud ni Garcia.

"Dili mo mga polis busa tangtanga kanang inyong gibutang nga mga ali-ali diha. Ayaw huwata nga ako pa'y motangtang anang inyong mga barikada," dugang sa gobernador. /IBM (BANATNEWS)

 

OFW
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with