CEBU, Philippines — Nihatag og libreng sakay ang Police Regional Office 7 sa mga sumasakay sa Central Visayas.
Kini human wala pa tuguti sa kagamhanan sa Dakbayan sa Sugbo nga makabiyahe ang mga pangpublikong sakyanan sama sa mga public utility jeepneys (PUJ).
Matud ni PRO-7 Director Albert Ferro nga ang prayoridad sa libreng sakay mao ang mga tiguwang nga magpatambal ug mga persons with disability (PWD) ug uban pa.
Dugang ni Ferro nga ila kining gibuhat sa tanang lugar sa Central Visayas gamit ang mga patrol car sa paghatud sa destinasyon sa nahisgutang mga tawo.
Nakita sa PRO-7 nga pamaagi kini sa pagtabang sa publiko ilabi na nga nagproblema pa sa mga sakyanan. Gani adunay pipila ka sumasakay ang mapasalamaton sa gibuhat sa PRO-7. /GMR (BANATNEWS)