CEBU, Philippines — Samtang napaubos nalang sa general community quarantine ang Cebu City, dugang 45 ka mga bag-ong kompirmadong kaso sa coronavirus disease(COVID)-2019 ang natala sa Cebu City base sa datos nga gihatag sa Cebu City Health Department kagahapon.
Ang bag-ong mga kaso: tagsa sa mga barangay Apas, Basak, Bulacao, Calamba, Capitol Site, Hipodromo, Kalunasan, Labangon, Lorega, Sambag Dos, T. Padilla, Tejero, Tisa ug Tinago.
Samtang tag-upat sab sa kaso sa Camputhaw, Pasil, San Nicolas; tagduha ka kaso sa Cogon Ramos, Ermita, Lahug, Pahina Central; tagtulo ka kaso sa Duljo Fatima, Sawang Calero, ug lima ka kaso sa Suba.
Kagahapong adlawa niabot na sab sa 995 ang mga nangaayo gikan sa maong sakit dinhi sa siyudad human kagahapong adlawa dugang 18 ka mga pasyente ang naayo.
Sila gilangkuban sa Tejero nga 13 ka buok, usa sa Labangon, usa sa Basak Pardo, usa sa Mabolo, usa sa Mambaling ug laing usa sa Duljo Fatima.
Sa kinatibuk-an ang COVID-19 cases sa Cebu City miabot na sa 2,319. /IBM (BANATNEWS)