89 bag-ong kaso sa COVID sa Cebu City

CEBU, Philippines — Mitala na sab og 89 ka mga bag-ong kaso sa coronavirus disease (COVID)-2019 ang siyudad sa Sugbo kini base sa datos nga gipagawas sa Cebu City Health Department kagahapong adlawa Mayo 30.

Base sa ilang datos, gikan sa Duljo-Fatima ang duha ka kaso, 13 sa Mambaling, lima sa Sambag 2,  duha sa Camputhaw, upat sa San Nicolas Proper, pito sa Barangay San Nicolas Proper.

Laing pito sab ka kaso sa Barangay Sawang Calero, usa sa Tinago, usa sa Barrio Luz,  usa sa Tejero,  usa sa Suba, 26 sa Ermita, usa sa Guadalupe, walo sa Pasil, duha sa Basak San Nicolas, usa sa Punta Princesa, tulo sa Labangon, usa sa Lahug, usa sa Carreta, tulo sa Mabolo, usa sa Capitol Site, usa sa Apas, usa sa San Antonio, usa sa Cogon Pardo ug usa sa Tabunan.

Sa kinatibuk-an ang kaso karon sa Cebu City sa COVID-19 niabot na sa 2,144 ,  hinuon bisan og daghan ang kaso,  kagahapong adlawa sab hinoon maoy labing pinakadaghang natala nga nangaayo gikan sa maong sakit dinhi sa siyudad nga miabot og 321 ka mga pasyente.

Ang 279 niini gikan sa Mambaling, 22 sa Tejero, 15 sa Labangon, duha sa Mabolo, tagsa sa Lahug, Capitol Site ug Barrio Luz.

Sa kinatibuk-an ang recoveries sa Cebu City niabot na sa 792 kun 36.9 porsiyento sa gidaghanon sa mga nagpositibo.

Sa laing bahin, adunay tulo ka bag-ong kaso sa COVID-19 sa Probinsya sa Sugbo sumala pa ni Cebu Governor Gwendolyn Garcia sa iyang virtual presser kagahapong adlawa.

Matud sa gobernador, a 179 ka swab test results gikan sa Probinsya sa Sugbo ang nigawas kagahapon, upat ang positibo apan ang usa niini repeat test na nga taga Cordova.

Ang tulo ka bag-ong kaso, ang duha niini pulos babaye nga taga Minglanilla, usa ka 57 anyos ug 33-anyos sa usa ka pamilya ug na-admit sa Chong Hua Hospital.

Ang usa matud ni Garcia gi-verify pa ang address tungod kay anaa kini na-admit sa Camp Lapu-Lapu Hospital.

Kagahapon moabot sa 768 ang total swab test nga nigawas kon diin 689 ang negatibo ug 79 ang positibo lukop isla sa Sugbo. Sa pagkagahapon sumala sa gobernador moabot na sa 2,792 ang running total sa COVID-19 nga kaso sa tibuok isla sa Sugbo. Le Phyllis F. Antojado/IBM (BANATNEWS)