CEBU, Philippines — Hingpit nang i-downgrade ang Dakbayan sa Mandaue gikan sa enhanced community quarantine (ECQ) ngadto na sa general community quarantine (GCQ) sugod sa Lunes Hunyo 1, 2020
Nunot usab kini sa giluwatan nga resolusyon Number 40 series of 2020 nga giluwatan sa mga sakop sa Inter-Agency Task Force (IATF) nga ang Mandaue nalakip na sa gi-downgrade ngadto sa GCQ dinhi sa Region 7.
Si Mayor Jonas Cortes sa iyang pamahayag sa mga tigbalita miingon nga nakapangandam na sila alang sa GCQ.
Gipasabot niya nga mahinungdanon usab kaayo nga kapanalipdan ang kinabuhi sa katawhan batok sa coronavirus 2019 apan iyang nakita nga gikinahanglan na usab nga mabalik na ang tanan sa ilang matag adlaw nga panginabuhi.
Ubos sa GCQ, magpabilin ang higpit nga pagtuman sa health protocols paglikay nga mataptan sa COVID 19.
Kinahanglang magsuot kanunay og face mask, social distancing ug ingon ang pagbaton kanunay sa kalimpiyo pinaagi sa paghunaw og tubig ug sabon o alcohol. /IBM (BANATNEWS)