18 nadugang sa kaso sa COVID-19 sa Cebu City
CEBU, Philippines — Dugang 18 ka kaso sa coronavirus disease-2019 ang nadugang sa Siyudad sa Sugbo kagahapong adlawa.
Kini sumala pa ni Atty. Rey Gealon, tigpamaba ni Cebu City Mayor Edgardo Labella.
Sa 18 ka kaso nga nadugang, tulo niini sa Barangay Pasil, duha sa Barangay Duljo, duha sab sa Barangay Sawang Calero, ug tag usa ka kaso sa Barangay Suba, Tejero, Mambaling, Labangon ug Apas.
Ang maong mga dugang kaso resulta kini sa gihimong contact tracing ingon man massive testing nga gihimo sa kagamhanan pinaagi sa Cebu City Health Department.
Sa kinatibuk-an ang Siyudad sa Sugbo duna nay 1,782 ka kaso sa Covid-19 ug 108 ang total recoveries.
Hinuon kasagaran sa mga kaso sa Covid-19 mga asymptomatic o wala’y sintomas sa virus ug gidala na sab sila sa Barangay Isolation Centers aron maatiman sa mga tinugyanan sa Cebu City Health Department. /GMR (BANATNEWS)
Related video:
- Latest
