Kini iyang gihimo tungod usab sa bag-ong presensiya sa coronavirus disease (covid-19) diha sa Barangay Maribago sa maong dakbayan diin nagtimailhan kini nga dili pa luwas ang mga Oponganon.
Philstar.com/Era Christ R. Baylon, file
ECQ sa Lapu-Lapu gilugwayan pa
Romeo T. Limpangog (Banat) - April 9, 2020 - 12:00am

CEBU, Philippines — Pormal na nga gipahibalo ni Mayor Junard  Ahong  Chan ang paglugway  sa gipatuman nga enhanced  community  quarantine  (ECQ) hangtud na ngadto  sa Abril  28, 2020.

Kini  iyang gihimo tungod  usab  sa bag-ong presensiya  sa coronavirus disease (covid-19) diha sa  Barangay  Maribago sa maong  dakbayan diin nagtimailhan kini nga dili pa luwas ang mga Oponganon.

Giklaro ni Chan nga tungod  kay  tumong sa  kagamhanan ang pagsiguro  sa kaluwasan sa katawhan batok sa covid-19 hinungdan nga iyang gipalugwayan ang gipatuman nga ECQ sa dakbayan.

“Naa naman gud ta’y bag-ong case, confirmed case kadtong sa Maribago”, matud ni Chan.

Si Chan nagkanayon nga hangtud sa  Abril 7, 2020 ang  Department of Health sa  Central Visayas (DOH)-7 ang nakatala og tulo ka positive nga kaso sa covid-19 sa Dakbayan  sa Lapu-Lapu.

Samtang  sa kasamtangan ang dakbayan  adunay natala nga 13  ka pasyente nga  under investigation (PUIs), 208  usab  ang  persons under monitoring (PUMs) ug  ang laing usa ang natala nga naka- recover gikan sa  infection.

Gibutyag ni Chan nga higpitan pa nila ang pagpatuman sa ECQ sa dakbayan aron sa pagsiguro nga walay bag-ong matala nga kaso sa covid-19 diha sa ilang lugar. Nunot niini, gipaniguro sa siyudad  nga ang makalapas sa gipatuman  nga ECQ  masilotan kini pinaagi sa pagbayad og multa nga P1,000 sa unang higayon isip paghatag usab kanila og pagtulon-an sa uban nga dili mosundog sa paghimo sa maong kalapasan. /BDB (BANATNEWS)

ECQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with