Chinese national nag-overprice sa thermal scanners na-entrap
CEBU, Philippines — Usa kanila Chinese national ang nasikop sa joint- operation sa Criminal Investigation and Detection Group Lapu Lapu City Field Unit ug Lapu Lapu City Police Office (LLCPO) City Intelligence Branch sa Barangay Pusok Dakbayan sa Lapu-Lapu ug laing operasyon sab ang gihimo sa kapolisan sa Cebu City sa miaging adlaw nga Lunes.
Giila ang nadakpan sa Lapu-Lapu City mao si Wenxing Lai, 42 , taga Fujian, China. Ang operasyon gipangulohan nila ni Police Major Lirio Coral hepe sa CIDG 7 Lapu Lapu Field Unit, Food and Drugs Authority (FDA7).
Matud ni Police Major Roland Allan Tolosa nga upat ka adlaw nila nga gisundan ang online selling sa suspect sa pagpamaligya niini og mga thermal scanners nga giingon gikan pa sa China.
Dugang pa ni Tolosa nga tag P4,300 matag thermal scanner ang iyang baligya, apan sa suggested retail price sa DTI tag P3,400 ra ang kinamahalan niini.
Nakuha gikan kaniya ang 10 ka thermal scanners. /IBM (BANATNEWS)
- Latest
