Probinsiya magbutang og Bagsakan Center sa kalungsuran ug siyudad
Le Phyllis F. Antojado (Banat) - March 28, 2020 - 12:00am

CEBU, Philippines — Ipadayon sa Probinsiya sa Sugbo ang Bagsakan Center niini ngadto sa mga local government unit (LGUs) atol sa pagpatuman sa movement restriction subay sa enhanced community quarantine sa tibuok Lalawigan sa Sugbo tungod sa coronavirus disease (covid-19).

Matud ni Gobernador Gwendloyn Garcia nga ang Kapitolyo maoy mopalit sa mga palaltion ug ang LGU maoy mobaligya niini ngadto sa ilang lungsod o dakbayan.

“Ang province ang mo-procure sa bugas, mais, delata, sabon asukar, tanan, unya kamoy baligya ngadto sa inyong mga covered courts”, matud ni Garcia.

Ang halin sa tinadahan sa Kapitolyo o sa Bagsakan Center i-remit kini sa LGU ngadto sa Provincial Treasurer’s Office aron ipalit na usab kini  og laing stock sa palaliton o basic commodities.

“Magbutang gyud ta og tindahan sa Kapitolyo, kon diin kadto intawong mga kabus naay mapalitan, makapalit sila ug kani patuyokon nato ang kwarta”, padayag ni Garcia.

Giawhag usab ni Garcia ang mga LGU o barangay nga mas ipaduol ngadto sa mga tawo ang palaliton aron dili na kini maglisod pa pag-adto sa layo aron mangompra.

“I encouraged them, as much as possible try doing mobile markets nga sila na ang mohatod ngadto sa barangay para palaliton”, ni Garcia pa.

Plano sa Kapitlyo nga masugdan ang Bagsakan Center sa mosunod nga duha ka semana. /BDB (BANATNEWS)

PROBINSIYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with