Rama, laing pito gi-indict sa Ombudsman
CEBU, Philippines — Ang buhatan sa Ombudsman-Visayas pormal na nga nipasaka sa kasong korupsiyon batok kang kanhi Bise Mayor Michael Rama ug laing pito ka opisyal sa siyudad.
Ang maong kaso giduso ni kanhi mayor Tomas Osmeña diha sa Office of the Ombudsman niadtong tuig 2016.
Kini kalabot sa transaksiyon sa reconstruction sa Unit 2 sa Carbon Public Market.
Ang maong pito mao sila si Raphael Yap, Jose Marie Poblete, Dominic Diño, Eustaquio Cesa, Alipio Bacalso Jr., Ester Concha kanhi konsehal Jose Daluz III kinsa mga miyembro sa Bids and Awards Committee dihang si Rama pa ang mayor sa siyudad ug Andrea Tan, tag-iya sa Geety Realty and Development Corporation.
Si Rama sa iyang bahin, nagkanayon nga giatiman na kini sa iyang abogado ug kanunay usab silang magtagbo sa mga giapil sa kiha.
Base sa audit observation memorandum sa Commission on Audit niadtong Hunyo 17, 2016 nga ang Pre-Bid Conference wala pa gihimo sa gikatakda nga petsa ug ang Geety Realty and Development Corp. dili kwalipikado human nga giingong wala kini igong pundo alang sa proyekto.
Base sa resolusyon sa Ombudsman nga walay igong basehan nga iapil sa indictment si Tan. /BDB (BANATNEWS)
- Latest
