CEBU, Philippines — Ang mga publikong lugar sa Dakbayan sa Talisay ang gipasiritan kini og disinfectant sa mga sakop sa task force kagahapon sa buntag.
Si Dr. Lino Alanzado, pangulo sa City Health Office nagkanayon nga nihimo dayon sila og pagpasirit og disinfectant sa mga publikong lugar sa siyudad.
Kini ubos sa kamanduan ni Mayor Gerald Anthony “Samsam” Gullas Jr..
Gibutyag ni Alazando nga ang makina alang sa misting maoy ilang gigamit sa pagpasirit og disinfectant.
Matud ni Alanzado nga trained ang task force sa paggamit sa maong makina hinungdan nga paspas ang ilang operasyon.
Samtang si Gullas nagkanayon nga giuna nila ang pampublikong lugar nga maoy tapokanan sa katawhan dayon ilang isunod ang kada barangay.
Gibutyag ni Gullas nga sabotan nila sa mga kapitan ang mga schedule sa pag-disinfect sa mga barangay.
Gitinguha sa kagamhanan sa siyudad nga matag adlaw ang ilang pagpasirit og disinfectant paglikay sa katawhan sa corona virus. /BDB (BANATNEWS)