110 sakyanan gi-clamped
Rowena Capistrano, Gabriel Bonjoc (Banat) - February 15, 2020 - 12:00am

CEBU, Philippines — Moabot sa 110 ka mga sakyanan ang gi-clamp tungod sa illegal parking panahon sa kagabhion gikan sa mga kabarangayan sugod Huwebes sa gabii hangtud Biyernes sa kaadlawon sumala pa sa hepe sa Cebu City Transportation Office Alma Fe Casimero.

Ang mga lugar nga gipahigayonan ug operation naglangkob sa Mambaling sa may M. Gochan Street St.Bernardino ug Ganciang Street; Tisa sa may Rivaridge, Jade, Sapphire, Emerald, Diamond ug Ruby; Mabolo sa L.Tudtud, Joaquiño, Borgonia, Arcilla ug C. Borces.

Ang mga dapit nga giadto sa CTO mao ang Hipodromo sa may Mactan Road ug Greenside St.; sa Punta didto sa may Atillo/F.Llamas, Lapay ug Doña Maria.

Sa lima ka mga barangay nga gihimoan sa maong operasyon ang Tisa maoy kinadaghan nga adunay na clamp nga mga sakyanan.

Matud pa ni John Paul Amores, Public Information Officer sa Communications and Electronics sa CCTO, ang tanan nga mga sakyanan nga na clamp pabayron og  P1,500 ug ipuno ang daang violations sa maong sakyanan.

Matud sa CTO, kinahanglang way makabara sa karsada aron diretsong makalahos ang mga emergency vehicles kun may respondehan.

Sa pikas bahin, di mahinayon ang pagserbisyo sa E-Patrol sa LTO ngadto sa mga Talisaynon tungod sa pagkaguba sa kompyuter niini.

Si Jonathan Tumulak, traffic czar sa Syudad sa Talisay nibutyag nga nanawag kaniya ang taga Land Transportation Office (LTO) nga aduna pa silay himuon nga maintenance sa sistema sa ilang E-Patrol.

Ang E-Patrol maoy usa sa mga programa sa LTO aron mapaduol sa katawhan aron makaproseso sa ilang mga lisensya ug rehistro sa sakyanan.

Giawhag ni Tumulak ang mga drayber sa mga habal-habal nga mopahimulos aning kahigayonan karong adlaw nga Lunes. –/IBM (BANAT NEWS)

ILLEGAL PARKING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with